Föst í forstjórahringekjunni!
Ásta Dís Óladóttir, prófessor og verkefnastjóri Rannsóknaseturs um jafnrétti í efnahags- og atvinnulífi við Háskóla Íslands, hélt í morgun erindi
Konur stjórna öllu hér á landi – eða hvað?
Ásta Dís Óladóttir, prófessor og verkefnastjóri Rannsóknaseturs um jafnrétti í efnahags- og atvinnulífi við Háskóla Íslands, hélt á dögunum áhugavert
Nýr rannsóknastyrkur frá Nordic gender equality fund
Konur fjárfesta á Norðurlöndum – ryðjum hindrunum úr vegi er nýtt verkefni sem rannsóknateymi Rannsóknaseturs um jafnrétti í efnahags- og
Fyrirtæki með jöfn kynjahlutföll í stjórnum og framkvæmdastjórnum skila betri árangri
Ný samanburðarrannsókn Freyju Vilborgar Þórarinsdóttur, Ástu Dísar Óladóttur, Gary L. Darmstadt og Sigríðar Benediktsdóttur skoðar hvað er raunverulega á bak
Jafnrétti
Ísland hefur náð langt í jafnréttismálum en talsvert kynjabil er enn til staðar þegar kemur að efnahagslegri þátttöku og ákvarðanatöku, í stjórnunarstöðum í atvinnulífinu, fjárfestingum og við stofnun fyrirtækja. Tilgangur Rannsóknaseturs um jafnrétti í efnahags- og atvinnulífi er að efla og dýpka þekkingu á stöðu kynjanna í íslensku atvinnulífi, með það að markmiði að stuðla að raunverulegu jafnrétti í efnahagslegri þátttöku, ákvarðanatöku og leiðtogastöðum, bæði innanlands og með hagnýtingu og kynningu rannsókna á alþjóðavettvangi. Þetta er gert með því að vinna að rannsóknum, hér á landi og erlendis, þróa hagnýtar lausnir sem byggja á traustum gögnum og miðla þekkingu sem nýst getur til stefnumótunar og kerfisbreytinga. Setrið leitast við að kortleggja orsakir og hindranir sem viðhalda þessu kynjabili og leiða fram lausnir sem stuðla að kerfisbreytingum.
Markmið
Markmið Rannsóknaseturs eru að byggja upp öflugan vettvang fyrir þverfaglegar rannsóknir og þekkingarmiðlun á sviði jafnréttis í atvinnulífi og fjárfestingum. Setrið rannsakar viðhorf, áhrif laga og stefnumótunar, framkvæmd ráðninga og þróun leiðtogahæfni með sérstaka áherslu á áhrif kyns, en einnig fleiri þátta. Rannsóknir setursins leggja jafnframt grunn að þróun lausna og leiðarvísa fyrir stofnanafjárfesta, fyrirtæki og opinbera aðila til að móta stefnu og aðgerðir sem stuðla að jöfnum tækifærum til valda og áhrifa í atvinnulífinu. Þannig verður setrið vettvangur fyrir þverfaglegt samstarf og nýsköpun, þar sem saman fara fræðileg þekking og hagnýtar lausnir.